Akitania Berria hautagai aurkeztea

Normalean CV-a orri bakar batean sartu behar da, baina ibilbide profesional luzea baldin baduzu (gutxienez 10 urteko esperientzia) 2 orritan sar dezakezu. CV-aren itxura sektorearen eta lan motaren araberakoa da. Argi eta garbi izan behar du. Ohiko CV-ak honelako atalak ditu:

• Datu pertsonalak: izena, ABIZENA (letra larriz), helbidea, telefonoa, e-maila. Inolaz ere ez dituzu zure erlijioa, osasun egoera eta ideia politikoak azaldu behar.
• Formakuntza: hemen ezarri behar dituzu zure diplomak, berrienetik zaharrenera. Diplomak, datak eta lekuak (unibertsitatea, eta abar). Ahalaz, zure diploma frantsesaren parekoaren izena emango duzu, edukia deskribatuz. Jardun profesionalarekin batera egin dituzun formakuntzak ere aipa ditzakezu, baina garrantzitsuenak baizik ez.
• Esperientzia profesionala: hau da zure CV-aren muina. Lan eta praktika edo ikastaroen zerrenda egin behar duzu, berrienetik zaharrenera. Postuan ari izan zaren datak, enpresaren izena, zure funtzioa, ardurak azalduko dituzu; Garrantzitsuenera jo behar duzu, kontratatzaileak nahi duena nabarmenduz.
• Gaitasunak: zati honetan azaldu behar duzu lan esparruan egiteko gai zarena (ad.: software-ak, hizkuntzak,…)
• Lanetik kanpoko jarduerak, hobbiak eta abar: Atal hau ez da derrigorrezkoa, baina jarduera batzuk ongi hautatuz gero, kontratatzaileak zutaz irudi zehatzagoa izango du.

Aurkezpen-gutuna orri batean sartzen da. Kontratatzaileari igortzen zaio enpresan lan egiteko duzun borondatea azaltzeko eta eskaintzen den posturako dituzun gaitasunak nabarmenduz. Frantzian hautagaitza gutunak garrantzia handikoak dira. Oso formalak eta nahiko laburrak izan behar dute (poliza bakar bat, egitura arina, eta bereziki ortografia eta gramatika ongi zaindu behar dira):

Hautagaitza igorri ostean ez egon deus egin gabe. Hautagaitza igorri eta aste betera, kontratatzailearekin harremanetan sar zaitez zure CV-a eskuratu duen jakiteko.

Kontratazio elkarrizketa batera deitzen bazaituzte, argi izan behar duzu enpresak zuregandik zer espero duen eta bere jarduerez informazioa bildu behar duzu. Horretarako bere webgunea ikusi eta Interneten dagoen informazioa bila ezazu.

Elkarrizketaren ondotik e-mail, gutun edo telefonoz harremanetan egon behar duzu. Kontratatzailea eskertu beharko duzu bere denboraren zati bat elkarrizketarako hartu baitu. Postu horretan interesa duzula erakutsi behar duzu.