Ikasleentzako laguntzak

Akitania Berria-Euskadi-Nafarroa euroeskualdeko beka

Ikasleen mugaz gaindiko mugikortasuna babesteko tresna, Akitania Berria-Euskadi-Nafarroa Euroeskualdeak finantzatua eta Akitania Berriko Unibertsitateen eta Zentroen Komunitateak kudeatua (ComUE d’Aquitaine).

Tresna horren helburua honako hau da: ikasturtean zehar prestakuntza jasotzera Akitania Berriko goi-mailako irakaskuntza-zentro batera doazen Euskadi eta Nafarroako ikasleei diru-laguntza ematea. Ikasleek hilean 300 €-ko beka bat jasotzen dute 5 hilabetez. Diru-laguntza horrekin batera bestelako laguntzak jaso daitezke (Erasmus, etab.).

Eskaerak aurkezteko epea urtero irekitzen da, martxoan, eta
www.aquimob.fr webgunearen bidez egiten da.

Eskola Futura

Ikasleei zuzendutako mugaz gaindiko laguntza-tresna, frantsesa/euskara eta frantsesa/okzitaniera ikastetxe elebidunetan irakasteko beharrezkoak diren prestakuntzetan eta lehiaketetan parte hartu ahal izan dezaten. Eskola Futura(Irakaslegaiak AEN) mugaz gaindiko egitasmo bat da, INTERREG POCTEFA Europako funtsen bidez finantzatua. Izen-emateko, prestakuntzako eta egonaldiko gastuak egitasmoaren konturako dira.

Akitania Berriko ikasleen mugikortasuna

• Akitania Berriko nazioarteko mugikortasunaren inguruko esku-hartzearen araudia
• Hezkuntza Nazional, Goi Mailako Irakaskuntza eta Ikerketa Ministerioa,
• Euroguidance sarea, Europako praktikei, ikasketei, hizkuntza-ikastaroei eta lanari buruzko informazioa eskaintzen du.

Euskadiko ikasleen mugikortasuna

• Global training mugikortasun-beka, atzerrian praktikak egin nahi dituzten gazte tituludunei zuzendutako tresna.
• Euskadiko Gazteaukera webguneko nazioarteko bekei buruzko informazioa.
• Garapenerako Lankidetzaren Euskal Agentziak garapenaren arloko prestakuntza-proiektuak jartzen ditu martxan, baita garapen-proiektuetan parte hartzea bultzatzeko bekak ere.
• CONFEBASK Euskal Enpresarien Konfederakuntzak unibertsitateko ikasleentzat edo aprendizentzat atzerrian praktikak egiteko askotariko tresnak eta bekak eskaintzen ditu.

Nafarroako ikasleen mugikortasuna

• Atzerrian praktikak egiteko mugikortasun-beka, ikasle tituludunei zuzendua.
• Unibertsitateko ikasleen nazioarteko mugikortasunerako laguntza osagarria,
• Mugikortasun-beka aprendizgoa egiten ari diren ikasleek praktikak egiteko.
• Hezkuntza Departamentuaren webguneak Nafarroan eskura dauden beken eta diru-laguntzen zerrenda argitaratzen du.

Europako ikasleen mugikortasuna

• Europako gazteriaren ataria.
• Erasmus Agentzia + Frantziako eta Espainiako Heziketa Prestakuntza.
• EURES sarea, lan-mugikortasunari buruzko Europako ataria.