Banku-kontu bat irekitzea

Legez, atzerrian banku-kontu bat izateko aukera dago. Atzerrian bizi diren edo finkatuta dauden pertsona fisikoek eta zenbait pertsona juridikok atzerrian irekitako kontuak deklaratzeko betebeharra daukate.

Akitania Berrian:

Frantzian banku-kontu bat irekitzea zaila da Frantzian finkatuta ez bagaude. Online-banku batean kontu bat irekitzea ezinezkoa da. Zenbait banku tradizionalek ere uko egiten diote.

Banku-kontu bat irekitzeko, Frantzian finkatuta bagaude, sinpleena bulego batera honako dokumentu hauek eramatea da:

• Europako estatu kide batek emandako nortasun-agiri nazional edo pasaporte ofizial bat.
• Bizilekuko ordainagiri bat.
• Zure sinaduraren eredu bat.
• Banku batzuek diru-sarreren inguruko azken egiaztagiriak ere eskatzen dituzte.

Euskadin eta Nafarroan:

Euskadiko edo Nafarroako banku batean kontu bat irekitzea erraza da. Nahikoa da bulego batera honako agiri hauek eramatea (ezin dira urrutitik ireki):

Egoiliarra ez bazara, honako agiri hauek eduki behar dituzu:

• Indarrean dagoen nortasun-agiri bat (pasaportea, nortasun-agiri nazionala).
• Etxeko ordainagiri bat (elektrizitateko faktura; zergen ezarpenaren edo ezarpen ezaren jakinarazpena; alokairuaren ordainagiria)
• Zure lan-egoeraren edo lan-jardueraren froga.

Banku batzuek egoiliar ez izatearen ziurtagiri bat ere eskatzen dute. Ziurtagiri hori ohore-adierazpen bat izan daiteke edo polizia-etxeak egindako ziurtagiri bat (15 egun behar dira lortzeko). Kasu batzuetan, bankuak egin dezake, baina trukean komisio bat kobratuko du. Ziurtagiria 2 urtean behin berritu behar da.

Euskadin edo Nafarroan bizi bazara, honako agiri hauek aurkeztu beharko dituzu:

• Nortasun-agiri bat.
• Bizilekuko ordainagiri bat.
• Zure lan-egoeraren edo lan-jardueraren froga.
• AIZ zenbaki bat (atzerritarraren identifikazio zenbakia).