Prestakuntza

Ekonomia Urdina

Hazkunde eta lehiakortasun jasangarrirako aukeren sorgune gisa eratzen ari da ekonomia urdina mundu osoan.
Euroeskualdeko itsasertza 896 km luze da. Bertan aberatsa eta askotarikoa da jarduera tradizional zein sortu berrien multzoa eta potentzial handiko dinamika sozioekonomikoa elikatzen dute mugaz gaindiko ekonomia urdina Euroeskualdeko lankidetzaren funtsezko elementu bihur dadin.

Gure lurraldean proiektu eta ekimen ugari dira jada abian eta baita Akitania Berriko Croissance Bleue gisako eskualde-mailako estrategiak zein Europa mailakoak ere, Plan de la Estrategia Atlántica. esaterako. Guztiek etorkizun oparoa dute ortzi-mugan, eta konpromiso koordinatuak eskatzen dituzte.

Testuinguru hori kontuan hartuta sortu zen Ocean i3 diziplinarteko, mugaz gaindiko eta kultur arteko proiektua, Bordeleko eta Euskal Herriko Unibertsitateko gradu eta graduondoko titulazio desberdinetako unibertsitate-komunitateari zuzendutakoa.

Bi unibertsitateetako ikasleek jasangarritasunean oinarritutako hezkuntza-esperientzia bizi dute, beren irakasleek lagunduta. Esperientzia hori prestakuntza intentsiboko ibilbide batean datza nagusiki eta Euroeskualdeko itsasertzeko gizarte-eragileek proposatutako erronketan inplikatuz, jasangarritasun eta enplegagarritasunerako zeharkako gaitasunak garatzen dituzte.

Konpetentzia urdinei eta enplegagarritasunari buruzko unibertsitateen arteko ibilbide honek bat egiten du mugaz gaindiko itsasertzeko ekonomia urdina garatzeko asmoarekin, eta baita ekonomia honek Arku Atlantikoan proiekzioa izateko bi unibertsitateen gaitasunak mugiaraztearen aldeko apustuarekin ere, hori guztia lurraldeko eragileekin lankidetza estuan jardunez. Ekonomia urdina, beraz, prestakuntza, ikerketa eta iraunkortasunera bideratutako enplegagarritasuna sustatzeko aukera-eremu bat da, eta ezagutzan balio handia du.

 

 

Ocean i3 proiektuaren aurkezpena

Oceani3 ozeanoen jasangarritasunaren inguruko hezkuntza berriztatzeko unibertsitate-proiektua da. Prestakuntza intentsiboko unibertsitateen arteko ibilbidea eta Blue Skills gaitasunen enplegagarritasun-plan bat garatzea da proiektuaren muina.

“Mission Oriented Research and Innovation” ikuspegia abiapuntutzat hartuz, ikerketan eta esku-hartzean oinarritutako ikaskuntza proiektuak egiten jardun du komunitateak, helburu komun bati erantzun nahian: Euroeskualdeko kostaldean plastikoek eragindako kutsadura murriztea..

Ocean i3k laborategi bizi batek bezala funtzionatzen du, eta bertan ikasle eta irakasleen diziplinarteko taldeak eratzen dira, mugaz gaindiko itsasertzeko ekonomia urdinaren sektoreko erakunde publiko eta pribatuekin jarduten dute hainbat lankidetzan erronken inguruan.

Ocean i3 diziplinaz gaindiko komunitateak lurralde-arazoekin konprometitutako unibertsitate zibikoa eraikitzen laguntzen du eta kalitatezko irakaskuntza eta ikerketa sustatzen ditu, ondasun publikoaren zerbitzu eta iraunkortasunaren alde.  

2018an jaiotako proiektu honek EGEF finantzaketa du, 2020-21 INTERREG-POCTEFA.programaren bidez.

 

Datu interesgarri batzuk:

  • ● Proiektua 2018an sortu zen eta EGEF funtsaren finantzaketa du 2020-2021 aldirako, Interreg POCTEFA programaren bidez.
  • ● 3 bazkide ditu: Bordeleko Unibertsitatea, Euskal Herriko Unibertsitatea eta Euskampus Fundazioa.
  • ● Euroeskualdeko itsasertzera bideratuta dago (Akitania Berria eta Euskadi), eta kostako 840 km inguru hartzen ditu. de costa.

Parte-hartzeari buruzko datuak:

2019-2020-2021 urte akademikoetan:

  • 2 unibertsitateetako 98 ikasle.
  • 70 lan egin dira: TFG = 37; TFM = 7; PhD eta Post PhD = 4; tutoretzapeko proiektu eta beste modalitate batzuk = 22.
  • 38 irakaslek parte hartu dute 1 eta 3 urte bitartean.
  • 16 diziplina:
    • Pedagogia eta Hezkuntza Zientziak, Kriminologia, Zuzenbidea (hainbat adar), Ekonomia eta Enpresa, Erizaintza, Biologia (hainbat adar), Komunikazioa eta Kazetaritza, Psikologia, Kiroleko Berrikuntza eta Kudeaketa, Filologia frantsesa, Publizitatea eta Harreman Publikoak, Ingurumen Kimika, Ingeniaritza.
  • Erakunde publiko eta pribatuetako 25 gizarte-eragile.
  • 27 praktikaldiko kontratu sinatuta.

Erronka eta praktika banku bat garatzeko eta Oi3 komunitatearen lankidetza sustatzeko OKTONINE plataforma pedagogikoa.

 

Emaitzen datuak: praktiken kopurua, praktiken gaiak

2019 eta 2021 artean 27 praktika egin ziren.

Egindako praktiketako gaien adibideak:

  • Eskola-publikoa sentsibilizatzea ozeanoa eta jasangarritasunaren eremuan sortzen ari diren gaitasun eta lanbideen inguruan: Euroeskualdeko gizarte-eragileen datu-base bat egitea (ekonomia urdin/berdearen sektorean), Blue Skills gaitasunei buruzko txosten bat egitea eta hondartzetan sentsibilizazio-jardunaldiak diseinatzea.
  • Kideen arteko proiektuen kudeaketaren eraginkortasuna ahalbidetzen duten palankak identifikatzea.
  • Jaiegunetan hondakin plastikoak sortzea prebenitzeko udal-araudiak identifikatu eta alderatzea.
  • Pasaiako Seabineko (itsas paper-fabrika) laginak prozesatuz, itsasoko zaborren jarraipena eta karakterizazioa egiteko azterlana.
  • Plastikoak biltzeko ekopatruilak hedatzeko eta gazteen boluntariotza sustatzeko komunikazio-plana.
  • Eskoletako sentsibilizaziorako unitate didaktikoak diseinatzea.
  • Kutsadura-iturriak eta esku hartzeko teknologia ez-intrusiboak identifikatzea Bizkaiko Urdaibai Biosfera Erreserban.
  • Plastikoek eragindako kutsadurak osasunean duten eragina identifikatzea eta osasun-prebentzioko planak diseinatzea.
  • Mikroalgen kutsadura-markatzaileen azterketak.
  • Hondakinen kontsumo eta kudeaketa-ereduak ekonomia zirkularraren ikuspegitik aztertzea, ehungintza eta elikadura sektoreetan.

Parte hartu duten eragileetako batzuk:

 

Esteka erabilgarriak