Ekonomia urdinaren sektorea

Euroeskualdeak ia 900 km luzeko itsasertza eta dinamika sozioekonomiko handia du; bertan, mugaz gaindiko ekonomia urdina funtsezko elementua izan daiteke, hazteko aukera handia eskainiko duen Euroeskualdearen lankidetzarako.

Lurraldean, eskualde-estrategia*, proiektu eta ekimen ugari daude dagoeneko abian lehiakortasun jasangarria sustatzen duen ekonomia urdinaren inguruan. Guztiek etorkizun oparoa dute eta konpromiso koordinatuak eskatzen dituzte.

* Akitania Berrirako Croissance Bleue eta Europa mailako Plan de la Estrategia Atlántica kasu.

Parte hartzen duten Euroeskualdeko sektoreak

Hazkunde urdinak Euroeskualdeko 11 sektore nagusi biltzen ditu bere ikuspegian:

Ekonomia urdina eta enplegua Euroeskualdean

Euskadiri dagozkion datuak bildu gabe, Akitania Berriko datuek soilik, Ekonomia Urdinak gure eskualderako duen garrantzia erakusten digute:

«Blue Skills»

Ekonomia urdineko enplegagarritasun-plana ikasleak zuzenean ingurune profesionalean murgiltzean datza, erronka erreal eta praktikoetan oinarritutako ikaskuntzaren bidez.

“Ongoing blue skills” gisa identifikatutako prozesu batean, irakasleek eta eragile sozioekonomikoek elkarrekin identifikatzen dituzte sektorearen beharrak, dinamikak eta erronkak, mugaz gaindiko ekonomia urdinak eskatzen dituen eta geroroa eskatuko dituen gaitasun urdinen inguruan orientatu eta prestatu ahal izateko.

Ocean i3 proiektua

Interreg POCTEFA programak 2020-2021 aldian finantzatutako Ocean i3 proiektuak prestakuntza intentsiboko unibertsitatearteko ibilbide bat garatu du, jasangarritasunera bideratutako “Blue Skills” gaitasunen enplegagarritasun-plan bat sustatzeko. Helburua bi unibertsitateen (EHU eta Bordeleko Unibertsitatea) ikaskuntza eta ikerketa-gaitasunak mobilizatzea da, lurraldeko eragileekin lankidetzan, mugaz gaindiko itsasertzeko ekonomia urdina garatzen laguntzeko.

Proiektuko jardueren bidez sustatzen eta garatzen diren gaitasunak funtsezkoak dira jasangarritasun erronka konplexuak ulertu eta horiei aurre egiteko. Hemen gaitasun hauen adibide batzuk:

• Kultur arteko testuinguruetako komunikazioa.
• Negoziazioa, parte-hartze horizontala eta emaitzak partekatzeko konpromisoa.
• Entzute aktiboa, interpretazioa, harremana eta elkarrekintza.
• Arazo konplexuak aztertzea, ulertzea eta ebaztea.
• Sormena: problemak hainbat angelutatik ebaztea.
• Sistematikotasuna: ikerketa-metodoak ezartzea.
• Diziplinartekotasuna: jakintzaren integrazioa eta kudeaketa, hainbat diziplinatako ekarpenen eta gizarte-testuinguruaren bidez.
• Garapen Jasangarrirako Helburuen balioak integratzea.
• Arazoen ikuspegi orokorra eta integratzailea.

Informazio gehiago nahi izanez gero, sartu Ocean i3 webgunean.